Top News – Shpërndanin drogë me motor pa targa/ Në pranga një 23 vjeçar, në kërkim bashkëpunëtori

Një 23 vjecar është vënë në prangat e policisë së Elbasanit, pasi u kap në flagrancë duke shpërndarë lëndë narkotike në doza të vogla. Uniformat blu bënë me dije se I riu bashkëpunonte me një 28 vjecarë, të cilët të dy së bashku qarkullonin me motocikletë për të bërë shpërndarjen e lëndës narkotike, tek klientët e tyre. 23 vjecari, banues në fshatin Gjonme, të Elbasanit u kap në flagrancë në pyllin e Treganit, ndërsa ishte duke bërë shpërndarjen e drogës me një motor pa targa. Shërbimet policore bënë me dije se 23 vejcarit iu gjetën dhe iu sekuestruan në cilësinë e provës materiale, 18 doza të lëndës narkotike të ndara në pako të vogla të cilt ishin gati për shpërndarje. Ndërkohë, 28 vjecari u shpall në kërkim nga policia. Në banesën e këtij të fundit, uniformat blu ushtruan kontroll, ku gjetën një sasi municioni luftarak.