Pak ditë më parë u bë e ditur se pronari i Amazon, Jeff Bezos, do të udhëtojë në hapësirë. Ky udhëtim, që kap vlerën e 28 miliardë dollarëve, po shkakton një kauzë virale kundër Bezos, njeriut të dytë më të pasur në botë. Gjithashtu u tha se njerëzit kanë nisur një peticion që ai mos të kthehet më në tokë. Peticioni është online dhe deri ditën e djeshme janë mbledhur plot 45 mijë firma, nga persona të cilët nuk e duan Bezos në Tokë. Ky peticion është hapur me argumentin se Bezos është një njeri i keq, që kërkon të sundojë botën, dhe nisur nga kjo, i vetmi shans para se të instalohen mikroçipet 5G është që Bezos të mos kthehet më në tokë. Ndonëse peticioni është i tejmbushur me teori konspirative, njerëzit vazhdojnë të jenë të mendimit se Bezos duhet të lihet në hapësirë. Jeff Bezos ka thënë se do të fluturojë në hapësirë më 20 Korrik së bashku me vëllain e tij. Bezos ende nuk ka komentuar publikisht për peticionin, por në një postim më 7 qershor në Instagram, ai zbuloi se kishte ëndërruar të udhëtonte në hapësirë që kur ishte 5 vjeç: “Unë do ta bëj atë udhëtim me vëllain tim. Aventura më e madhe, me mikun tim më të mirë.”