Lideri de facto i emirateve të Bahskuara Arabe, sheiku Mohammed bin Zayed al-Nahyan, është zgjedhur presidenti i shtetit në gjirin arab nga këshilli federal suprem, të shtunën, duke forcuar kështu akoma më shumë sundimin e tij mbi prodhuesin kryesor të naftës të OPEC-ut dhe aktorin e rëndësishëm rajonal. Ai bëhet president në një kohë kur lidhjet e hershme të emirateve të bashkuara arabe me SHBA, janë trazuar disi për shkak të largimit të vëmendjes së Uashingtonit nga aleatët e tij të gjirit në një kohë kur vendet perëndimore kërkojnë mbështetje nga rajoni për të izoluar Rusinë për shkak të sulmit në Ukrainë. Këshilli, që mbledh sundimtarët e shtatë emirateve të federatës, zgjodhi sheikun Mohammed, të njohur si MbZ, një ditë pas vdekjes së gjysmë-vëllait të tij, presidentit Sheikh Khalifa bin Zayed, që ishte po ashtu sundimtar i Abu Dhabit.