Shtetet e Bashkuara të Amerikës njoftuan të premten ndalimin e hyrjes në vend për të gjithë personat që kanë vizituar në tre javët e fundit Kongon, Sudanin e Jugut, apo Ugandën. Vendimi pason shqetësimet e autoriteteve shëndetësore në lidhje me përhapjen e virusit të Ebolës në këto tre vende, që ka marrë trajtat e një epidemie. Shtetasit amerikane dhe ata që mbajnë kartën jeshile janë ndaluar gjithashtu. Qendra për Kontrollin dhe Parandalimin e Sëmundjeve tha se kufizimet janë të domosdoshme për të mbrojtur shëndetin public dhe menaxhuar burimet njerëzore të emergjencave. Organizata Botërore e Shëndetësisë rriti nivelin e rrezikut nga epidemia në ‘shumë të lartë, duke cituar se virusi që ka shpërthyer në Kongo, Uganda dhe Sudanin Jugor është një variant i rrallë, por mjaft ngjitës dhe vdekjeprurës i Ebolës.