Me letrën e dërguar presidentit të Serbisë, Aleksandar Vucic, sekretari amerikan i shtetit doli disi përtej protokolleve të zakonshme, pasi një pjesë të saj e shkroi me dorë. Pjesa më e rëndësishme e mesazhit ishte ajo ku kryedipplomati amerikan i kërkonte Vuçiçit njohjen reciproke me Kosovën, raporton agjensia e lajmeve Novosti. “SHBA-ja është e përkushtuar për marrëdhëniet tona afatgjate. Ne ndajmë vizionin e një Serbie demokratike, të qendrueshme, të begatë dhe demokratike në hapin drejt anëtarësimit në BE. Qëllimi afatgjatë i SHBA-së ka qenë ta shohë Serbinë dhe Kosovën të arrijnë marrëveshje gjithëpërfshirëse e përqëndruar në njohjen reciproke”, shkruan Blinken në letrën e tij. “Unë i mbaj në mend plotësisht bisedat tona të mira dhe po pres me padurim rinovimin e tyre”, ka shkruar më pas me stilolaps në fund të letrës, e cila është dërguar në 23 shkurt, por Vucic e beri publike vetëm së fundi. “duke mos llogaritur historinë e njohjes reciproke me Kosovën”, mesazhi ishte “kuptimplotë dhe i mirë” në të gjitha aspektet e tjera, tha vucic, e për këtë e falenderoi sekretarin e shtetit. Unë e përgëzova atë për emërimin në një pozicion të rëndësishëm në Shtetet e Bashkuara dhe besoj se ai gjithashtu kujtoi bashkëpunimin tonë. Ai madje shkroi diçka me dorën e tij, kështu që ky është një lajm i rëndësishëm”, tha presienti serb. Në shkurt, presidenti amerikan Joe Biden, ia kujtoi edhe një herë kreut të shtetit serb qëllimin e Amerikës për dialogun Kosovë – Serbi, që është njohja reciproke.