Më shumë se 50 avionë ushtarakë amerikanë dhe japonezë kanë fluturuar mbi ujërat afër japonisë këtë javë ndërsa dy aleatët kanë treguar kështu forcën në mesin e tensioneve në rritje në rajon me Kinën dhe Rusinë. Dhjetëra avionë të forcës ajrore amerikane morën pjesë në stërvitje bashkë me 20 avionë ushtarakë japonezë. Avionët japonezë dhe amerikanë fluturuan në qiej mbi detin e haponisë, oqeanin paqësor dhe detin e kinës lindore në një përpjekje për të përmirësuar aftësitë taktike dhe kapacitetet e reagimit të përbashkët – tha ministria japoneze e mbrojtjes. Nga ana e saj, shba nuk ka komentuar ende stërvitjet por në një deklaratë për shtyp më herët, forca ajrore amerikane tha se kishte dërguar 12 avionë F022 nga hauai në Okinava. Sipas njoftimit, avionët do të kryenin misione të ndryshme për të rritur gatishmërinë operacionale për të mbrojtur japoninë dhe për të siguruar një zonë indo-paqësore të lirë dhe të hapur. Luftanijet kineze dhe ruse kanë shtuar praninë e tyre rreth japonisë javët e shkuara. Muajin e kaluar, Tokio tha se në total tetë anije kineze dhe ruse ishin pikasur në ujërat afër Japonisë.