SHBA ka nisur një valë të fuqishme sulmesh ajrore ndaj rebelëve Houthi në Jemen, që presidenti amerikan Donald Trump e ka konsideruar vendimtare. “Të financuar nga Irani, banditët Houthi kanë sulmuar me raketa në aeroplanët amerikanë dhe kanë vënë në shënjestër trupat dhe aleatët tanë”, shkroi Trump në platformën e tij sociale “Truth”, duke shtuar se kjo kishte kushtuar “miliarda dollarë” dëmë dhe kishte vënë jetë në rrezik. Autoritetet e rebelëve thanë se të paktën nëntë persona ishin vrarë dhe nëntë të tjerë janë plagosur nha sulmet. Grupi, që nisi të sulmojë edhe anijet tregtare në përgjigje të pushtimit të Gazës nga Izraeli - u tha mediave arabe se do të vazhdonte këto sulme. Trump tha se kishte më shumë se një vit që kur një anije me flamur amerikan kishte lundruar e sigurt përmes Kanalit të Suezit dhe katër muaj që kur një anije luftarake amerikane kishte kaluar në zonë. Këto sulme, tha ai, "nuk do të tolerohen". "Ne do të përdorim forcë dërrmuese vdekjeprurëse derisa të kemi arritur objektivin tonë.". Në fillim të javës, Trump e shpalli grupin një organizatë terroriste.