Serbia duket e pa vendosur në qasjen e saj ndaj luftës Izrael-Iran, teksa serbët janë të ndarë, dikush pro Tel Avivit e dikush pro Teheranit. Një qëndrim i dyzuar është edhe ai I Presidentit Aleksandër Vuçiç, që mban një qëndrim vlerësues ndaj të dy shteteve, por paralajmëron për pasojat që lufta do të sjellë në rritjen e çmimeve. “Populli ynë ka një qasje tifozësh. Disa brohorasin për Izraelin, të tjerë për Iranin. Kemi parë sulme të pabesueshme izraelite. Sukses magjepsës të shërbimit të jashtëm izraelit. Iranianët janë një popull i guximshëm, ata mbrojnë veten me guxim, kjo mund të çojë në konflikt. Shpresoj që të gjendet një zgjidhje. Të dy janë miqtë tanë. Gjithçka do të shkonte drejt shkatërrimit nëse Irani do të merrte Ngushticën e Hormuzit. Shpresoj që kjo të mos ndodhë. Ata po luajnë pjesën e tyre të dytë tani”, tha Vuçiç. Krahas kësaj, ai paralajmëron se mund të ketë një sulm të SHBA-ve ndaj Iranit.