“Ata që mendojnë se mund të rrëzojnë kushtetutën e shteteve të bashkuara, duhet ta dijnë këtë: nuk do të fitojnë kurrë”. Kështu thotë Arnold Schwarcenegger, ish guvernatori republikan i Kalifornisë, aktor dhe bodybuilder, në një video të postuar në Tëitter. Schëarzenegger dënoi presidentin amerikan Donald Trump, duke e quajtur atë presidentin më të keq në histori dhe kritikoi edhe mbështetësit e tij në partinë republikane. Ai madje krahasoi sulmin mbi ndërtesën e kongresit nga mbështetësit e Trump, me Kristallnacht, apo natën e xhamave të thyer, në vendlindjen e tij austri. E mërkura ishte dita e xhamave të thyer këtu në shba. Xhamat e thyer ishin ato të kongresit. Ata nuk thyen vetëm dyert e ndërtesës së demokracisë amerikane. Ata goditën parimet mbi të cilat ky vend është themeluar. Unë-vijon schëarcenegger- besoj se të gjithë duhet të jemi të ndërgjegjshëm për pasojat e egoizmit dhe cinizmit. Presidenti trump tentoi të përmbyste rezultatin e zgjedhjeve të ndershme. Ai tentoi një grusht shteti duke keqorientuar njerëzit me gënjeshtra. Ashtu sic ndodhi dikur në austri. Presidenti Trump është një lider i dështuar. Ai do të kalojë në histori si presidenti më i keq i kohërave. Gjëja e mirë është që ai shumë shpejt do të jetë i parëndësishëm, ashtu si një postim i vjetër në tëitter Në përfundim, aktori kujton një shprehje të presidentit të 26 të shba, teodor Rusvelt: Patriotizmi do të thotë të ngrihesh për vendin. Nuk do të thotë të ngrihesh për presidentin. “Pavarësisht bindjeve politike – vijon ai – le ti urojmë presidentit të zgjedhur sukses. Nëse ai ka sukses, vendi ynë ka sukses po ashtu. Le ta mbështesim atë në përpjekjen për të bashkuar vendin.