Policia turke tha të martën se ka arrestuar më shumë se 200 persona të dyshuar për lidhje me grupin militant, Shteti Islamik si dhe me grupe të ndaluara të së majtës ekstreme. Aksioni i uniformave blu vjen në prag të samitit të NATO-s, që do të mbahet më 7 dhe 8 korrik në Ankara. Zyra e Prokurorit në Ankara tha se 209 persona janë ndaluar në kryeqytet, ndërsa vijon puna për kapjen e 32 të tjerëve. Ndërkohë Zyra e Guvernatorit të Ankarasë njoftoi të hënën vonë për ndalimin e të gjitha protestave nga 28 qershori deri në fund të samitit të NATO-s ku do të mblidhen liderët e 32 shteteve anëtare, përfshirë edhe presidentin amerikan, Donald Trump. Samiti zhvillohet në një moment kritik për sigurinë evropiane dhe euroatlantike. Ndërkohë Erdogan ka akuzuar shpesh Izraelin si nxitës i tensioneve në Lindjen e Mesme. Muajve të fundit, Aleanca është vënë nën presion – edhe për shkak të ndryshimeve në politikën e SHBA-së, që shkojnë përtej kërkesave për të forcuar shtyllën evropiane të NATO-s.