Rusia e ka shkëputur veten nga interneti global gjatë testeve në qershor dhe korrik, në mesin e frikës se Vladir Putin do të godasë kështu fjalën e lirë. Vendi ka miratuar një legjislacion të njohur si ligji i internetit sovran, në fund të 2019-ës, që kërkon ta mbrojë rusinë nga mundësia e lënies jashtë infrastrukturës së huaj. Ligji u miratua për të ndaluar atë që Rusia e konsideron ‘Natyrë agresive’ të strategjisë kombëtare për sigurinë kibernetike të shteteve të bashkuara të amerikës. Por legjislacioni, ka forcuar kontrollin e moskës mbi rrjetin global dhe ka shkaktuar shqetësim mes avokatëve të fjalës së lirë që druajnë se lëvizja do të fuqizojë mbikqyrjen e qeverisë mbi hapësirën kibernetike të vendit. Testet përfshijnë të gjitha kompanitë më të mëdha telefonike në rusi dhe janë mbajtur nga 15 qershori deri më 15 korrik dhe sipas rezultateve paraprake kanë qenë të suksesshme. Nuk është bërë menjëherë e qartë se sa ka zgjatur shkëputja nga rrjeti ndërkombëtar ose nëse ka patur apo jo ndonjë problem të dallueshëm në trafikun e internetit në vend. Ligji i miratuar në 2019-ën, nënvizonte se testet duhej të kryheshin cdo vit, por operacionet u anuluan vitin e shkuar për shkak të vështirësive të shkaktuara nga pandemia globale.