Rusia tha të hënën se ka nisur përforcime në bazën e saj ushtarake në Taxhikistan, me 30 tanke të reja dhe qindra trupa që do të angazhohen edhe në stërvitje të reja me sistemet e mbrojtjes ajrore. Kjo duket se nxjerr në pah shqetësimin e Moskës për trazirat në afganistan. Mundësia që militantët islamikë në afganistan të infiltrohen në taxhikistan dhe ish republikat e tjera sovjetike në azinë qendrore është një shqetësim për Moskën, që e sheh rajonin si një barrierë mbrojtëse në jugun e saj. Forcat ruse simuluan të hënën përballjen me një sulm ajror armik duke përdorur sistemet S-300PS. Baza në taxhikistan, një ish rajon i Bashkimit Sovjetik, është më e madhja që rusia ka jashtë vendit. Atje u simuluan 10 lëshime raketash kundër objektivave të ndryshme ajrore në kuadër të stërvitjes, tha ministria ruse e mbrojtjes.