Para një stërvitjeje ushtarake në Detin e Zi, Rusia përdoruri për herë të parë municionet për të kërcënuar një luftanije të NATO-s. Konfrontimi i ri mes Rusisë dhe Perëndimit po shkallëzohet. Dhe Deti i Zi, që për një kohë të gjatë në këndvështrimin gjeopolitik luante një rol dytësor, tani është kthyer në kryetitujt e mediave botërore. Aktualisht ai është rajoni më i rrezikshëm në konfrontimin e ri mes Rusisë dhe Perëndimit, ku nuk përjashtohen më edhe përplasje direkte ushtarake mes palëve. Këtë e tregoi edhe incidenti me luftanije britanike "HMS Defender" javën e shkuar. Luftanija, e cila ndodhej në itinierarin nga porti ukrainas, Odesa në Gjeorgji, kaloi nëpër ujërat detare ukrainase para Gadishullit të Krimesë, nga pikëpamja e së drejtës ndërkombëtare një veprim legal.