Shefi i Agjencisë Qendrore të Inteligjencës në Shtetet e Bashkuara, Ëilliam Burns ka thënë se kërcënimi i Rusisë se potencialisht mund të përdorë armë bërthamore në Ukrainë, nuk mund të merret me lehtësi, mirëpo agjencia nuk ka parë shumë të dhëna që përforcojnë këtë shqetësim. “Duke marrë parasysh dëshpërimin potencial të presidentit rus, Vladimir Putin dhe lidershipit rus, duke marrë parasysh zmbrapsjet që i kanë përjetuar, askush prej nesh nuk mund ta trajtojë me lehtësi kërcënimin që vjen nga mundësia e përdorimit të armëve bërthamore”, tha Burns. Ai foli për “dëshpërimin potencial” dhe dështime të përjetuara nga Putini, forcat e të cilit janë përballur me humbje të mëdha dhe janë detyruar të tërhiqen nga disa pjesë në veri të Ukrainës, pasi kanë dështuar që të marrin kontrollin e Kievit. Kremlini ka thënë se e ka vendosur forcën bërthamore në gatishmëri të lartë, pasi nisi sulmin e paprovokuar ndaj Ukrainës.