Lajmi se Bullgaria, Maqedonia e Veriut, Rumania dhe Mali i Zi kanë ndaluar fluturimin e avionit të shefit të diplomacisë ruse, Sergey Lavrov, ka tronditur Moskën zyrtare. Shefi i Agjencisë Hapësinore të Rusisë Dimitri Rogozi ka kërcënuar me sulme bërthamore rajonin dhe thotë se Moska duhet të marrë masa ndëshkuese ndaj këtyre shteteve. Në një postin në Tuitter, ai tha se Mali i Zi, Bullgaria, Maqedonia e Veriut dhe Rumania kishin tradhtuar historinë e përbashkët të sllavëve duke u sjellë ashtu si edhe suedezët në raport me Rusinë. Rogozi thotë se raketat Sarmat, ndryshe nga avioni i Lavrov nuk kanë nevojë për leje për të fluturuar mbi qiellin e tyre.