Rusia ka të vendosura armë bërthamore në rajonin e baltikut – tha ministri lituanez i mbrojtjes Arvydas Anusauskas të enjten. Një nga aleatët më të ngushtë të presidentit Putin, Dmitry Medvedev, tha se nëse suedia dhe Finlanda do të anëtarësoheshin në NATO atëherë rusia do të vendoste armë bërthamore në rajonin e Baltikut por ministri lituanez thotë se ato janë vendosur tashmë atje. Ministri tha për mediat lituaneze se armë bërthamore janë vendosur në enklavën ruse të kaliningradit në detin Baltik, që para krizës aktuale. “Kërcënimi më i fundit i rusisë duket pak i cuditshëm pasi ne e dimë, se edhe para këtyre zhvillimeve më të fundit, ajo i kishte armët bërthamore 100 km larg kufirit lituanez”, tha ministri. “Armët bërthamore janë mbajtur gjithnjë në Kaliningrad...komuniteti ndërkombëtar, vendet e rajonit, janë plotësisht në dijeni për këtë. Rusia i ka përdorur ato si kërcënim edhe më parë”, citohet ministri. Enklava ruse e Kaliningradit, në brigjet e detit baltik, është e vendosur mes dy vendeve anëtare të NATO-s Lituani dhe Poloni. Kryeministrja lituaneze Ingrida Simonyte, të enjten tha se kërcënimi rus për rritjen e pranisë ushtarake, përfshirë armët bërthamore, në rajonin e Baltikut, nuk ishte asgjë e re.