Rusia hakmerret ndaj cekisë dhe dëbon 20 diplomatë cekë nga vendi. Ata kanë 24 orë kohë që të largohen nga moska. Praga më herët kishte bërë të ditur se ka dëbuar 18 diplomatë rusë, që ajo i konsideron operativë të inteligjencës ruse, të përfshirë në një shpërthim të 2014 në një depo armatimesh në vend. Rusia ka njoftuar se 20 diplomatë nga republika ceke do dëbohen nga vendi. Republika Ceke kishte dëbuar 18 diplomatë të shtunën. Agjentët e zbulimit në ceki thanë se diplomatët ishin operativë të inteligjencës ruse. Ata dyshohet se janë të përfshirë në një shpërthim në një depo armatimesh në 2014, në të cilin humbën jetën dy persona. Ministrat e jashtëm të Bashkimit Evropian, do të diskutojnë për rastin gjatë një takimi. Moska i ka dhënë diplomatëve cekë një ditë kohë për tu larguar nga vendi ndërsa republika ceke i ka dhënë rusëve 72 orë kohë. Ministria e jashtme ruse e quajti vendimin e cekisë të paprecedenttë dhe një akt armiqësor. “Në dëshirën e tyre për të kënaqur SHBA përkundër sanksioneve më të fundit amerikane ndaj rusisë, autoritetet ceke, shkuan aq larg sa që ia kaluan edhe mjeshtrave të tyre”, - thuhej në një deklaratë të ministrisë së jashtme. Autoritetet ceke thanë se diplomatët besohet se janë operativë të inteligjencës, akuza që rusët i kanë quajtur të pabaza dhe absurde. Shpërthimi rrënoi një depo municionesh në një pyll në Vrbetice në republikën Ceke, më 16 tetor 2014. Dritaret në godinat e afërta u thyen dhe shkolla lokale u evakua ndërsa mjetet e emergjencës mbërritën në vend. Trupat e pajetë të dy personave, të moshës 56 dhe 69 vjec, që punonin në vendngjarje, u gjetën më shumë se një muaj më vonë. Shpërthimi u konsiderua asokohe aksidental.