Ministria ruse e mbrojtjes mund të ketë vendosur të përdorë edhe metoda rekrutimi jo tradicionale për shkak të mungesës së ushtarëve – shkruan inteligjenca britanike në përditësimin më të fundit të saj mbi situatën në Ukrainë. E këto metoda jo trdicionale përfshijnë edhe rekrutimin e të burgosurve në vend për të përforcuar dosjen e grupit mercenar rus Ëagner. Nëse do të konfirmohet kjo, përfundon inteligjenca britanike, vendimi do të tregonte qartë vështirësinë e Moskës për të zëvendësuar numrin e shtuar të ushtarëve të humbur në fushëbetejë. Ukraina thotë janë rreth 37.470 ushtarë rusë që kanë humbur jetën në Ukrainë që nga fillimi i pushtimit. Zyrtarët e Kievit thonë se përvec humbjeve në trupa, ushtria ukrainase ka rrëzuar edhe 217 avionë ushtarakë, 188 helikopterë dhe 676 dronë. Po ahstu, sipas forcave ukrainase, në përballjet e armatosura ato kanë shkatërruar edhe 1649 tanke ruse, 838 sisteme artilerie, 3829 mjete të blinduara për transportin e trupave, 15 anije dhe 155 raketa. Sidoqoftë, forcat ruse po vazhdojnë të bëjnë progres të ngadaltë në marrjen nën kontroll të territoreve në ukrainën lindore, vecanërisht në rajonin e donetskut pasi më herët kanë deklaruar se kanë hyrë në qytetin Hryhorivka. Trupat e moskës po ashtu vazhdojnë sulmet edhe në fronte të tjera, ndërkohë që kanë vendosur në shënjestër edhe aksin rrugor E-40 që lidh qytetet e slovianskut dhe Kramatorskut.