Top News- Rusia çon luftanije në brigjet daneze/Incidenti i rëndë, e pranishme edhe kryeministrja

Një anije luftarake ruse shkeli dy herë ujërat territoriale daneze në veri të ishullit Bornholm të premtemn, ndërkohë që po mbahej një ceremoni me pjesëmarrjen e zyrtarëve, politikanëve dhe biznesmenëve danezë. Në ceremoninë e përvitshme morën pjesë zyrtarë të lartë të qeverisë, madje edhe vetë kryeministri danez, Mete Frederiksen. Danimarka e quajti këtë lëvizje një "sfidë të papranueshme" dhe provokuese nga Rusia. Luftanija ruse hyri në ujërat territoriale të Danimarkës rreth mesditës dhe u rikthye sërish disa orë më vonë. Ajo u largua pasi marina daneze e kontaktoi me radio.