Përpjekjet e rusisë për të marrë kontrollin e rajonit të Donbasit, në Ukrainën lindore, janë penguar nga kushtet e motit, sepse ‘Rusët nuk pëlqejnë të luftojnë në shi”, thanë zyrtarë perëndimorë. Presidenti Vladimir Putin ka ndryshuar tashmë strategjinë e tij të luftës dhe është fokusuar tek rajoni i Donbasit pasi dështoi më herët të merrte kontrollin e kryeqytetit Ukrainës Kiev dhe humbi më shumë se 15 mijë trupa sipas disa burimeve, në një luftë më të vështirë nga sa e kishte menduar. Burimet perëndimore thonë se forcat e tij po bëjnë progres të ngadaltë në rajon për shkak të rezistencës së fortë nga mbrojtësit ukrainas, një dështim për të mësuar nga gabimet taktike në fazat e para të luftës dhe paaftësinë për tu përshtatur me kushte të ndryshme ambjenti dhe moti. “Rusia ka vijuar të mbledhë forca në dhe përreth Donbasit”, thotë një zyrtar. “Ky është një proces në vijim ndërsa ata po tentojnë një tjetër strategji që sidoqoftë po u jep pak përpari,. Por, kur ata dalin me objektiva të qarta, e gjejnë të vështirë të cajnë rezistencën ukrainase dhe po pësojnë humbje. Nuk po ndihmojnë as kushtet e motit për momentin në Donbas, me shi të rrëmbyeshëm. Rusët nuk pëlqejnë të luftojnë në shi”, thotë zyrtari.