Rusia mund të marrë në shënjestër ngarkesat perëndimore me pajisje ushtarake që shkojnë drejt Ukrainës, paralajmëroi një diplomat i lartë në Moskë, pasi presidenti amerikan, Joe Biden, paralajmëroi për luftë të tretë botërore. Zëvendësministri i jashtëm Sergei Ryabkov tha se rusia kishte paralajmëruar SHBA se dërgimi i armëve nga një numër vendesh, nuk është vetëm një veprim i rrezikshëm, por është një veprim që i bën autokolonat shënjestra legjitime. Ai po ashtu denoncoi sanksionet amerikane kundër Moskës duke i quajtur ato një përpjekje të paprecedenttë për ti shkaktuar një goditje të rëndë sektorëve të ndryshëm të ekonomisë ruse, por nënvizoi se Moska do të vepronte në mënyrë të matur për të evituar dëmtimin e vetes. Ryabkov thotë se Rusia nuk ka ndër mend të dëbojë mediat dhe bizneset perëndimore në mesin e tensioneve në rritje me perëndimin, duke shtuar “Ne nuk do të përshkallëzojmë situatën’. Kjo vjen pasi Biden paralajmëroi Luftën e tretë botërore, ndërkohë që personalisht fundozi planet për të dërguar avionë ushtarakë MiG nga Polonia në Ukrainë. Presidenti amerikan tha se një konflikt direkt mes Rusisë dhe NATO-s do të ishte katastrofik duke shtuar se SHBA do të mbronte cdo centimetër të aleancës ushtarake nëse do të ishte e nevojshme. Polonia ia ofroi 28 avionët e saj ushtarakë, prodhim rus, SHBA-së për ti dërguar në Ukrainë, por Biden e hodhi poshtë ofertën për shkak të frikës se ajo do të conte në luftën e tretë botërore.