Presidenti i Ukrainës, Volodymyr Zelensky ka paralajmëruar se forcat ruse po përgatiten të bombardojnë qytetin jugor të Odesës, pasi nuk arritën të merrnin ashtu siç shpresonin Kievin. Në qytetin port historik në bregun e Detit të Zi jetojnë rreth një milionë banorë. Odesa është afër kufirit moldav dhe rajonit separatist moldav të Transnistrisë, të mbështetur nga Rusia. Sipas Zelenskit, rusët kanë ardhur gjithmonë në Odessa dhe gjithmonë kanë ndjerë vetëm ngrohtësi në këtë qytet, ndërkohë që tani do të hedhin bomba dhe raketa aty.