Portofoli i investimeve për vitin e ardhshëm ka çuar në drejtim të ministrisë së infrastrukturës pjesën më të madhe të parave të buxhetit të shtetit. Ky institucion do të mund të kontraktojë dhe shpenzojë 17.7 miliardë lekë, 150 milionë euro, ose 15 për qind të totalit të investimeve. Peshën më të madhe në investime e zë ndërtimi i Tunelit të Llogarasë, ku për vitin e ardhshëm parashikohen të shkojnë 60 milonë euro. Projekt, i cili pritet të përfundojë në vitin 2024 dhe është një investim që po realizohet nga operatorë të huaj.