Janë rritur në mënyrë të ndjeshme rastet e reja me koronavirusn në vendin tonë. Ministria e Shëndetësisë ka raportuar këtë të mërkurë për 284 raste të reja me covid 19 si pasojë e 4201 testimeve të kryera ndaj personave të dyshuar. Nga këto në krye qëndron Tirana me 79 raste të reja, 24 raste janë shënuar në Shkodër, 22 në Lezhë, nga 13 në Durrës dhe Fier, nga 12 raste në Krujë, Kamëz, dhe Kavajë, nga 11 raste në Korçë dhe Elbasan,10 raste në Vlorë, 8 raste në Lushnje, nga 6 raste Vau i Dejës, Malësi e Madhe, Peqin, 5 raste në Mat dhe më pak infektime në bashkiët e tjera të vendit. Aktualisht janë 1,524 pacientë aktivë me COVID19 në të gjithë vendin, ndërsa në Spitalin Infektiv po marrin trajtim spitalor 34 pacientë. Janë shëruar 33 qytetarë gjatë 24 orëve të fundit, duke e çuar numrin e të shëruarve në 130,503 që nga fillimi i epidemisë, ndërsa numri total I infektimeve ka arritur në134,487 persona. Në këto 24 orë nuk ka asnjë humbje jete me Sars-Cov2 pozitiv. Ministria e Shëndetësisë u ka bërë sërish apel qytetarëve që të drejtohen në qendrat e vaksinimit, pasi muaji gusht është i hapur për të gjithë qytetarët mbi 18 vjec që duan të imunizohen.