Top News – Rikthehet në qiej superavioni / Airbus A380 ishte shpallur ‘i vdekur’, më i madhi në botë

Avioni më i madh në botë, Airbus A380, i shpallur si i “vdekur”, që në momentet e para të prezantimit është rikthyer në qiej për shkak të shtimit të udhëtimeve. Kompania gjermane Lufthansa është ndër ato që po rikthejnë gjigandët e tyre A380.Airbus A380, avioni më i madh në botë me mbi 600 vende në bord ishte hequr nga lista dhe shumë linja ajrore e kishin lënë në tokë gjatë pandemisë. Por tani, ndërsa linjat ajrore kërkojnë mënyra për të përballuar rritjen e papritur të kërkesës dhe vonesat e dorëzimit që rëndojnë mbi Boeing, superavioni kthehet më fuqishëm nga sa pritej. Në javën e fundit të qershorit, gjithsej 129 A380 u ngritën sërish në qiell globalisht, të operuar nga shtatë linja ajrore, sipas portalit gjurmues Flightradar24. Kjo është më shumë se gjysma e 251 avionëve me distanca të gjata të dorëzuara ndonjëherë, me shumë të tjerë që kthehen në shërbim çdo javë.