Titaniku po nxirret nga thellësia oqeanit më shumë se një shekull pas udhëtimit të tij të parë dhe të fundit, në një park argëtimi në Kinë. Turistët do të mund te shijojnë një natë ëndrrash brenda një modeli në shkallë reale të transoqeanikut legjendar. Investitori kryesor I projektit Su Shaojun, u frymëzua nga filmi I famshëm I vitit 1997, për të rikrijuar anijen më të famshme në botë. “Shpresoj se kjo anije do të jetë këtu edhe pas 100 apo 200 vjetësh. Ajo do të jëtë një museum për Titanikun.” – tha ai. Për ndërtimin e saj u deshën mbi 6 vjet, më shumë se për Titanikun e vërtetë, plus 23 mijë ton celik, mbi 100 punëtorë dhe një shumë e madhe prej 207 milion $. Gjithcka, që nga kabinat luksoze deri tek dorezat e dyerve, është bërë duke I ndenjur besnik dizajnit të Titanikut origjinal. Gjithashtu është rikrijuar edhe porti I Southampton-it, njëlloj sic duket në filmin e James Cameron, tek skena ku Xhek, personazhi I luajtur nga Leonardo DiCaprio, hipën në bord pasi fiton biletën e udhëtimit në një bast. Cmimi për një natë në anije do të jetë 2 mijë yuan ose 414 $. Zoti Su shpreson se Titaniku I tij do të tërheqë deri në 5 milion vizitorë në vit, gjë që do të garantonte dhe kthimin e investimit të tij.