40 vite pas albumit të fundit, ‘The Visitors” në 1981, ABBA-t rikthehen me këngë të reja. Të paktën kështu shkruan britanikja the Sun, sipas të cilës këngët do të mund të shijohen pas pak ditësh. Pas katër dekadash heshtje dhe një vit e gjysmë në pandemi, Bjorn Ulvaeus, Benny Andersson, Agnetha Faltskog dhe Frida Lyndstad, janë gati për të publikuar muzikë të re. E po ashtu edhe të nisin më në fund turin e tyre, një shou të realizuar me teknologjinë e hologramës dhe që ishte në plan që para se covidi të detyronte mbylljen e sallave të koncerteve. Grupi ishte shkrirë në 1982, për tu ribashkuar në 2016-ën, vetëm për një event privat, në rastin e përvjetorit të 50 të takimit të parë mes Bjornit dhe Benny-t. Për momentin, nuk është e sigurt nëse këngët do të përfshihen në një album apo nëse do të publikohen si singëll-a.