Autoritetet shëndetësore në Kosovë kanë raportuar të shtunën tetë viktima të tjera nga koronavirusi. Po ashtu vijon të mbetet i lartë edhe numri i të rasteve të reja me covid 19. Gjatë 24 orëve të fundit janë regjistruar edhe 2,279 të prekur, pas testimit të 12,666 mostrave. Kjo është shifra më e lartë e infektimeve në një ditë në kosovë që nga nisja e pandemisë në marsin e vitit të kaluar. Ministria e Shëndetësisë në Kosovë ka njoftuar se më 21 gusht janë shëruar 325 pacientë nga sëmundja COVID-19, ndërsa është rritur në mënyrë të papërmbajtshme numri i rasteve aktive që tashmë ka arritur në 18,287. Ndërkaq Shërbimi Spitalor Klinik Universitar i Kosovës ka bërë të ditur se në spitalet e përgjithshme në Kosovë, si dhe në klinikat për trajtim të koronavirusit, janë të shtruar 653 pacientë. Nga këta 26 pacientë janë në gjendje të rëndë dhe 610 po trajtohen me oksigjenorapi. Prej 13 marsit 2020, kur janë regjistruar rastet e para të infektimit, autoritetet shëndetësore në Kosovë kanë raportuarr mbi 125,000 pacientë të prekur nga koronaviorusi. Prej tyre mbi 2,300 kanë vdekur. Sipas Ministrisë së Shëndetësisë, grup-mosha më së shumti e prekur nga coviod në këtë periudhë është ajo 20-29 vjeç me 543 raste, pasuar nga 30-39 vjeç me 476 raste. Në Kosovë prej disa muajsh ka nisur programi i vaksinimit masiv kundër koronavirusit me vaksinat Pfizer dhe AstraZeenca. Në 24 orët e fundit janë vaksinuar 22,486 persona. Të vaksinuar me të dyja dozat janë 234,731 persona, derisa sipas autoriteteve 687,553 vaksina janë dhënë në total në Kosovë. Nga 20 gushti, në Kosovë kanë nisur zbatimi i masave të reja për luftën ndaj pandemisë. Kështu janë mbyllur lokalet e natës, janë aluluar ceremonitë familjare dhe dasmat, është kufizuar orari i bizneseve të gastronomisë, si dhe është shtuar kërkesa për dëshmi të vaksinimit për të qenë i pranishëm në disa lloj aktivitetesh.