Një qendër e vaksinimit masiv në Kolorado të SHBA u mbyll përkohësisht pasi 11 persona patën reaksion pas imunizimit me vaksinën e kompanisë johnon and johnon. Tek këta individë, vaksina që administrohet me një dozë shkaktoi të vjella, gjendje të fikti dhe marrje mendsh. Autoritet shëndetësore vendosën mbylljen e qendrës gjatë ditës, në ndjekjë sic thanë, të protokolleve dhe në pritje të verifikimeve. Dy pacientë u transportuan në spital dhe po mbahen në vëzhgimin e mjekëve. Nëntë të tjerë e kanë marrë ndihmëne të parë në vend. Gjithsej 1700 vetë ishin vaksinuar në qendrën e ndodhur pak km në veri të denverit. 640 pacientëve që mbeten pa u vaksinuar atje, do tu jeper të djelën vaksina e Pfizer. Disa ditw mw parw, Emergent BioSolutions, partneri i kompanisë farmaceutike Johnson & Johnson për prodhimin e vaksinave tha se kishte asgjësuar një sasi përbërësi për vaksinën kundër COVID-19 pasi nuk përmbushte specifikimet. Njoftimi u bë një ditë pasi Johnson & Johnson (J&J) tha se kishte zbuluar probleme në këtë sasi të prodhuar në fabrikën e kompanisë Emergent në Baltimorë të Merilandit. Kompania sqaroi se sasia e përbërësit nw fjalw, nuk u lejua të kalonte në fazën përfundimtare të prodhimit të vaksinës.