Rasti i një gruaje 65 vjeçare që humbi jetën 30 minuta pas vaksinimit me Astrazeneca, ka alarmuar autoritetet shëndetësore në Greqi. Sipas të dhënave gruaja ishte vaksinuar në një lagje të Athinës pasditen e së martës dhe më pas ka humbur jetën. Pwr rastin nw fjalw ka filluar menjwherw ekspertizën një komision mjeko-ligjor që do të nxjerrë edhe konkluzionin e shkaqeve të vdekjes. Ndërkaq e marta ka shënuar një tjetër rekord negativ sa i takon pandemisë së Covid 19 në Greqi, ku për herë të parë numri i infektimeve ka shkuar në 4340, prej te cilave 2.097 ne Athine dhe 535 ne Selanik. Me këto të dhëna numri i të prekurve nga Covid 19 në Greqi ka shkuar mbi 260.000, ndërsa numri i te intubuarve ka shënuar një tjetër record dhe janë përkatësisht 741 persona. Sa i perket viktimave, me 72 humbjet e jetes ne 24 orwt e fundit Greqia tashme ka arritur në 8017 persona tw vdekur nga virusi vdekjeprures. Përpos situatës së rënduar të pandemisë komisioni i specialistëve të pandemisë dhe zyrtarë të qeverisë, kanë hedhur ne diskutim plane për lehtësimin e masave që parashikojnë në fillim hapjen e bizneseve të vogla, me pas të shkollave e në fund të hotelerive e restoranteve për të pritur turistet e parë. Fakt pozitiv eshte që rezultatet e testeve laboratorike të Rrjetit Kombëtar të Epidemiologjisë për mbikëqyrjen e virusit SARS-CoV-2 në ujërat e zeza urbane, tregon se në shumicën e qyteteve barra virale ka filluar të bjerë, përveç Selanikut ku përsëri shënohet një rritje e saj.