Irani ka ndihmuar hamasin të prodhojë raketa vdekjeprurëse me të cilat godet objektivat thellë në izrael. Kjo është konfirmuar nga spiunët perëndimorë. Sipas zyrtarëve të inteligjencës perëndimore, ndihma e iranit ka luajtur një rol kyc në ndihmën për grupin militant palestinez, Hamas, që ky i fundit të zhvillojë një arsenal armësh vdekjeprurës. Zyrtarët besojnë se ndihma teknologjike ka bërë që të ketë një përmirësim të ndjeshëm të aftësisë së organizatës terroriste për të goditur objektiva thellë në Izrael dhe ka kontribuar në vdekjen e dhjetëra personave. Armët, mendohet se janë prodhuar në gaza, mbështetur në projektet iraniane. Hamasi ëhstë mbështetur historikisht tek raketat me rreze të shkurtër veprimi, Qassam që mund të godasin deri në afro 10 km largësi. Sidoqoftë, në sulmet më të fundit mbi izrael, hamasi ka përdorur raketat me rreze të mesme veprimi, me një rreze prej 40 km si edhe raketat M-75 dhe J-80, me një rreze më të gjatë veprimi nga 80-90 km. Zyrtarë të lartë të Hamasit besohet se kanë bërë vizita të rregullta në iran, ku i janë nënshtruar trajnimeve në prodhimin dhe përdorimin e sistemeve të sofistikuara të armëve. Vizitat përfshijnë edhe inspektimin e ambjenteve të prodhimit të raketave të kontrolluara nga rojat revolucionare iraniane. Lajmi për ndihmën ushtarake vjen pasi forcat izraelite mashtruan militantët e hamasit, duke i tërhequr ata drejt tuneleve të nëndheshme që më pas u vunë nën sulme. Dhjetëra militantë besohet se kanë humbur jetën ndërsa tunelet, të quajtura Metroja e Hamasit, u shënjestruan nga 450 raketa në 40 minuta.