Kancelari gjerman Friedrich Merz i ka kërkuar Iranit që të ndërpresë "menjëherë" sulmet ndaj objektivave civile në Izrael. Ai konfirmoi qëndrimin e Gjermanisë se Republika Islamike "nuk duhet të zhvillojë ose të zotërojë armë bërthamore". "Do të ishte një kërcënim për Izraelin, Lindjen e Mesme dhe bashkësinë ndërkombëtare në tërësi", u shpreh kancelari. Ai tha se Izraeli ka të drejtë të "mbrojë ekzistencën dhe sigurinë e qytetarëve të tij. Merz tha se konflikti nuk duhet të përhapet dhe shtetet e tjeta nuk duhet të kthehen shesh beteje. Ai tha se tani duhet të kërkohet një zgjidhje me anë të mjeteve diplomatike. Merz njoftoi se Gjermania po përgatitet në rast se Irani vendos të sulmojë objektiva izraelite ose hebraike në vendin tonë. Që nga nata e së premtes, Izraeli ka sulmuarobjektiva të shumta në Iran, duke përfshirë objekte bërthamore dhe ushtarake. Republika Islamike u përgjigj me kundërsulme. Sipas raporteve të medias, të paktën 138 persona janë vrarë në Iran që nga e premtja, përfshirë zyrtarë të lartë ushtarakë dhe shkencëtarë bërthamorë. Sipas shifrave zyrtare, të paktën 13 persona janë vrarë dhe rreth 400 të tjerë janë plagosur në Izrael që nga fillimi i sulmeve.