Rusia ka paralajmëruar SHBA se planet për të vendosur raketa hipersonike në evropë mund të ndezin Luftën e Tretë Botërore. Ambasada ruse në SHBA ka paralajmëruar për një konflikt të pashmangshëm nëse SHBA vazhdon me dislokimin e raketave me rreze të gjatë veprimi në evropë. “Ne duam ti kujtojmë pentagonit se dislokimi i mundshëm i ndonjë rakete hipersonike në evropë do të ishte jashtëzakonisht destabilizues”, thuhet në një postim në Tëitter të ambasadës ruse. “Distanca e shkurtër e tyre me rusinë nuk do të na linte rrugë tjetër dhe do të shtonte mundësinë e një konflikti të madh”. Uashingtoni thotë se po monitoron aktivitetet destabilizuese të Rusisë në rajon, që përfshin një destrojer britanik të vënë nën zjarr nga avionët ushtarakë rusë në detin e zi, si edhe testimin e deklaruar si të suksesshëm të raketës kruiz hipersonike Zircon. “Është e rëndësishme të nënvizojmë se raketat e reja hipersonike të rusisë janë potencialisht destabilizuese dhe përbëjnë një rrezik të madh sepse janë sisteme të afta për të mbajtur bomba bërthamore”, tha sekretari për shtyp i pentagonit, John F Kirby. Sipas tij, SHBA po punon ngushtë me aleatët dhe partnerët, përfshirë NATO-n, në përpjekje për të vënë nën kontroll këto aktivitete destabilizuese. Zirconi vdekjeprurës, u testua sipas moskës duke arritur shpejtësinë Mach 8 dhe goditi një objektiv në tokë pasi u lëshua nga fregata Admirali Gorshkov, në detin e bardhë, në brigjet veriperëndimore të Rusisë, të dielën.