Supermarketet dhe furnizuesit paralajmëruan të enjten për mungesa të mundshme të ushqimeve për shkak të stafit të tyre që detyrohet të vetë izolohet, ndërkohë që rastet e koronavirusit po rriten dhe kërcënojnë të shkaktojnë kaos pasi qeveria zbuti të gjithë kufizimet më herët, këtë javë. Me miliona punonjës dhe nxënës shkollash që janë të detyruar të qëndrojnë në shtëpi për shkak të rregullave të gjurmimit të koronavirusit, në atë që po quhet ‘ping-demi’, për shkak të aplikacionit telefonik që përdoret për të kontaktuar apo sinjalizuar njerëzit që duhet të vetë-izolohen, disa industri kanë filluar ti ndjejnë pasojat. Gazetat tregojnë foto të rafteve të zbrazëta të supermarketeve, të enjten, ndërsa ndërsa stafi ishte në mungesë në dyqane por edhe në operacionet zinxhir të furnizimit. “Ne i mbajtëm dyqanet hapur gjatë pandemisë, por tani duhet të mbyllim një ose dy dyqane dhe të reduktojmë orarin e punës në disa të tjerë”, thotë një menaxhet i një rrjeti ushqimoresh duke paralajmëruar se situata mund të rëndohet akoma më shumë. Ndërsa të tjerë thonë se britania është aktualisht në vështirësi për shkak të mungesës së shoferëve të kamionëve të transportit, kjo për shkak të brexitit, ndërkohë që problemi tjetër i vetë izolimit, është tani një recetë për kaos. Qeveria britanike të hënën zbuti të gjitha kufizimet, përfshirë mbajtjen e maskave dhe distancën sociale, por ndërkohë rastet janë rritur në nivele që nuk janë parë që nga periudha e kulmit në janar.