Qindra vatra zjarresh janë aktivizuar në të gjithë Nepalin, duke shpërndarë tym dhe hi nëpër qytete, gjatë një prej sezoneve më të rënda të zjarreve vitet e fundit. Sezoni I thatë në Nepal, I cili zgjat që nga fundi I vjeshtës deri në fillim të verës, arrin zakonisht kulmin e zjarreve në muajt mars dhe prill. Që nga nëntori, 73 nga 77 rrethet e Nepalit kanë raportuar zjarre në pyje - niveli më i lartë i regjistruar në pesë sezonet e fundit të zjarrit, sipas CNN weather. Vendi ka regjistruar deri në 2,087 vatra në të gjithë vendin që nga 15 nëntori 2020. Dhe që nga 25 Marsi, kishte ende të paktën 524 vatra active, duke përhapur një kombinim të pluhurit, tymit dhe hirit në ajër. Fotografitë nga kryeqyteti Kathmandu tregojnë rrugë të mbuluara me smog gri, ajri i zymtë dhe shikimi i dobët. Imazhet e marra të dielën nga sateliti Copernicus Sentinel-2 i Bashkimit Evropian tregojnë luginat në lindje të Kathmandus të përfshira plotësisht në tym. Kjo grimcë e dëmshme mikroskopike është me diametër më të vogël se 2.5 mikrometra dhe konsiderohet veçanërisht e rrezikshme pasi mund të futet thellë në mushkëri dhe të kalojë në organe të tjera e mw pas në qarkullimin e gjakut. Ministria e Arsimit, Shkencës dhe Teknologjisë mbajti një takim urgjent në fundjavë, ku autoritetet vendosën të mbyllin të gjitha shkollat deri për shkak të ndotjes dhe rreziqeve shëndetësore, sipas agjencisë shtetërore të lajmeve Radio Nepal, duke këshilluar banorët të qëndrojnë brenda dhe të mbajnë një maskë fytyre.