Forcat e Vladimir Putinit po përpiqen të marrin kontrollin e një qyteti të rëndësishëm energjitik në jug të ukrainës ndërsa duan ta izolojnë vendin nga lidhjet e tij jetësore me detin e zi. Rusia vazhdon të shënojë avancime të ngadalta në veri dhe në jug ndërsa pushtuesit pretenduan se kanë nën kontroll Khersonin, të parin qytet të madh të Ukrainës. Por trupat e Volodimir Zelenskit janë të vendosura dhe po bëjnë rezistencë të fortë në kryeqytetin Kiev. Putin do ta ndajë ukrainën për gjysëm dhe të ndërpresë burimet që i nevojiten veriut për të vazhduar luftën, një taktikë rrethimi kjo që kujton se si ai e fitoi luftën cecene në vitin 2000. Luftimet janë intensifikuar në qytetet port të odesës dhe Mariulopit si edhe në Enerhodar, një qytet mbi lumin Dnieper që ofron një të katërtën e furnizimeve me energji elektrike. Uhstria ruse thotë se ka tani kontrollin e Khersonit dhe zyrtarët lokalë ukrainas konfirmojnë se forcat kanë marrë zyrat e qeverisjes lokale në qytetin port në detin e zi, me 300 mijë banorë. Luftime të ashpra vazhdojnë ndërkohë në të gjithë vendin me forcat ruse që shtyhen në shumë fronte, ndërsa taktika ka ndryshuar drejt përshkallëzimit të bombardimeve mbi qytetet e mëdha, duke i kthyer ata në rrënoja. Por autokolona gjigande e tankeve ruse që i është drejtuar kievit, mbetet e palëvizur, 30 km larg Kievit e vonuar nga rezistenca ukrainase, problemet teknike dhe bllokimet. Kryebashkiaku i Kievit, Vitali Klicko tha se shpërthimet kanë vazhduar gjatë natës por raketat ruse janë rrëzuar nga sistemet e mbrojtjes ajrore. Ajo që shqetëson më shumë zyrtarët ukrainës, janë sabotatorët rusë.