Në stërvitjen më të fundit ushtarake, rusia ka përfshirë edhe qentë e luftës ndërsa parashutat e reja janë testuar për ti ulur ata në zona konflikti. Një video tregon testin final të qenve specialë që ulen në tokë, me parashutën e re që vetë Vladimir Putin e ka inspektuar. Sistemi, i prodhuar nga Technodinamika Group, ka si qëllim të hedhë nga helikopterët një qen që peshon deri në 45 kg në një fushë beteje, me një parashutist. Testet deri më tani kanë treguar se kafshët mund të hidhen me parashutë nga një lartësi prej 4 mijë metrash – thotë ministria ruse e mbrojtjes. Gjatë këtyre testeve është parë edhe një fakt mahnitës – edhe pse në një lartësi të madhe, qeni e sheh tokën dhe përpiqet ta kapë me putrat e tij. Technodinamika Group, pjesë e korporatës shtetërore Rostec, synon të përfundojë testimet e sistemit të saj të parashutimit të qenve deri në fund të vitit. Qentë e forcave të sigurisë përdoren shpesh në operacione ushtarake dhe shpëtimi, por nuk ka patur një sistem parashutimi për ta në rusi më herët. Vetë Putin i vizitoi ambjentet e grupit për të inspektuar punimet atje që kanë si qëllim dislokim të shpejtë të qenve ushtarë në vende ku është e pamundur ulja me avionë apo helikopterë.