Presidenti rus Vladimir Putin ka nënshkruar një dekret për sanksione ekonomike hakmarrëse si reagim ndaj veprimeve armiqësore të disa shteteve të huaja dhe organizatave ndërkombëtare – tha Kremlini të martën. Dokumenti nuk ofron detaje se cilët individë apo entitete mund të preken nga masat. Sipas dekretit, rusia do të ndalojë eksportin e produkteve dhe lëndës së parë për persona apo entitete që janë sanksionuar. Dekreti po ashtu ndalon transaksionet me individë të huaj dhe kompani të goditura nga sanksionet hakmarrëse të Rusisë si edhe lejon palën ruse të mos përmbushë detyrimet ndaj tyre. Sipas dekretit, qeveria ruse ka 10 ditë kohë për të hartuar një listë individësh dhe kompanish të huaja që do të sanksionohen si edhe të përcaktojë kriteret shtesë për një numër transaksionesh që mund të jenë subjekt kufizimesh. Kjo ndodh ndërkohë që bashkimi evropian, pritet të dalë me një paketë të gjashtë sanksionesh mbi rusinë, përfshirë këtë radhë edhe embargon e naftës ruse.