Presidenti rus, Vladimir Putin, i hodhi një vështrim të shpejtë, avionit ushtarak të gjeneratës së re të quajtur ‘Shah-Mat” që po të martën u prezantua zyrtarisht. Avioni i ri Sukhoi u prezantua në shoun që tradicionalisht mbahet në Moskë, cdo dy vite, dhe Putin, ishte i pari që e pa nga afër atë. Vetë shefi i korporatës shtetërore të mbrojtjes Rostec dhe drejtori i përgjithshëm i United Aircraft Corporation, ia prezantuan në detaje Putinit avionin e ri ushtarak. Ai, ishte i vendosur në një hangar, me fjalën shah-mat, Checkmate, të shkruar me shkronja të mëdha në anglisht. Rostec e përshkruan atë si avionin ushtarak të lehtë të gjeneratës së pestë që përmban zgjidhje inovative, përfshirë inteligjencën artificiale. Pavarësisht prezantimit zyrtar, avioni nuk do të performojë ndonjë fluturim. Putin e ka lëvduar industrinë e aviacionit në rusi ndërsa ai hapi panairin ajror Maks, të martën. Aviacioni rus ka një potencial të madh për zhvillim dhe industria jonë e avionëve vazhdon të krijojë avionë të rinj shumë konkurues – tha Putin. Ky i fundit i ka bërë investimet në ushtri dhe në zhvillimin e armatimeve të reja, një prioritet gjatë sundimit të tij dy dekadësh. Rusia ka zhvilluar disa armë që anashkalojnë sistemet ekzistuese të mbrojtjes, përfshirë raketat ndërkontinentale Sarmat dhe raketat kruiz Burevestnik.