Presidenti rus Vladimir Putin, është kthyer në qendrën e të gjitha mediave që prej lëvizjes së tij të parë më 24 shkurt, kur vendosi të sulmojë Ukrainën. Vec karrierës së tij të gjatë politike, Putin është përfolur edhe për jetën e tij private të cilën gjithnjë e ka mbajtur të fshehur, ndërsa nuk ka folur kurrë për familjen apo fëmijët e tij, sepse sipas tij është jeta e tij private dhe si e tillë duhet të qëndrojë, ndërsa gjithmonë ka theksuar se vendimi i tij për të mos folur duhet të respektohet. Lideri rus kurrë nuk ka pranuar se ka fëmijë, megjithëse shpesh është përfolur se ai ka dy vajza me ish gruan e tij dhe një tjetër vajzë me një pastruese. Njëra prej tyre është Maria Faassen 36 vjec, fëmija i parë i Putinit me ish-gruan e tij. Katerina Tikhonova, 35 vjec është fëmija i dytë i Presidentit rus dhe motra më e vogël e Marias. Ndërsa, 18 vjecara Luiza Rozova, nuk është pranuar kurrë zyrtarisht si fëmija e Putinit, por shumë persona besojnë se ajo është fëmija i tretë I tij. Teksa po thuajse të gjitha mediat online vërshojnë një lumë komentesh negative e fyese për presidentin rus, Luiza vajza më e voogël është detyruar të mbyllë cdo rrjet social, shkak i cili mendohet të jenë mesazhet e shumta në gjuhën e urrejtjes për babain e saj. Por, vajzat e tij janë në profile të larta publike, duke filluar nga shkencëtare, kërcimtare apo ylli i instagramit.