Që nga fillimi i pushtimit rus të Ukrainës, kompania satelitore Starlink, në pronësi të Elon Musk, ka qenë një ndihmë thelbësore për ushtrinë ukrainase. Sa herë ushtria ukrainase godet një objektiv rus, ajo falënderonvetëm një person, Elon Musk, njeriun më të pasur në botë. Kur planifikon një kundërsulm ose zjarr artilerie, ushtarët thërrasin eprorët për miratim në minutën e fundit nëpërmjet marrësit satelitor Starlink. Por ndihma e Musk nuk ka të bëjë vetëm me komunikimet ushtarake. Ushtarët u kanë thënë miqve dhe familjes se ata janë të sigurt përmes mesazheve satelitore të koduara ditore. Njëqind ditët e para të pushtimit rus të Ukrainës lanë mijëra të vdekur dhe akoma më shumë të plagosur. Megjithatë, Starlink i Muskut, i bazuar në një grup satelitësh që fluturojnë deri në 210 kilometra mbi Ukrainë dhe mundësojnë qasje në internetin me shpejtësi të lartë, është bërë një shpëtim i papritur për vendin, si në fushën e betejës ashtu edhe në luftën mediatike. Presidenti i Ukrainës, Volodymyr Zelensky përditëson rregullisht miliona ndjekës në rrjetet sociale duke përdorur rrjetin e Muskut, si dhe mbante takim përmes “Zoom” me politikanë botërorë nga presidenti amerikan, Joe Biden deri te lideri francez, Emmanuel Macron.