Edhe pse Sputnik V nuk e ka marrë ende dritën jeshile të EMA-s, Presidenti i Francës, Emmanuel Macron dhe kancelarja gjermane Angela Merkel diskutuan në një komunikim video me presidentin e Rusisë, Vladimir Putin lidhur me një bashkëpunim të mundshëm për vaksinat kundër koronavirusit. Njoftimin e bëri vetë pallati Elize, pa hyrë në detaje të mëtejshme. Përdorimi i vaksinës ruse varet nga vlerësimi i Agjencisë Europiane të Barnave. Kjo do të bëhet "mbi bazën e të njëjtave normave" si për vaksinat e tjera, thuhet në njoftim. Sipas të dhënave të Kremlinit në lidhjen me video u fol edhe për perspektivën e "furnizimeve të mundshme dhe prodhimit të përbashkët të këtij preparati në vendet e BE". EMA aktualisht po verifikon kërkesën për lejimin e vaksinës Sputnik V në BE. Në prill priten në Rusi ekspertë të EMA-s për vlerësimin e prodhimit dhe magazinimit të vaksinës. Koncerni farmaceutik rus, R-Pharm synon të prodhojë vaksinën nga qershori apo korriku në Bavari, në qytetin Illerstissen. Macron dhe Merkel nuk lanë sakaq pa ia përmendut Putinit edhe cështjen e Aleksei Navalnyt, duke i kërkuar që të respektojë të drejtat e kundërshtarit të vet politik dhe të ruajë shëndetin e tij.