Rikthimi I Donald Trump, me një fitore bindëse në zgjedhjet presidenciale të 5 nëntorit, është përshëndetur edhe nga politika shqiptare, duke shfaqur entuziazëm por edhe shpresë për forcim marrëdhëniesh me shtetin më të fortë të botës. Në një mesazh të posaçëm të postuar në platformën X, Presidenti Begaj u shpreh se pret të forcojë me tej bashkëpunimin, duke theksuar se Shqipëria vlerëson miqësinë e gjatë dhe partneritetin strategjik me Shtetet e Bashkuara të Amerikës. “Urime për fitoren në zgjedhje, presidenti Trump! Shqipëria vlerëson miqësinë tonë të gjatë dhe partneritetin strategjik, dhe unë pres që ta forcojmë më tej këtë bashkëpunim të ngushtë”, - shprehet Presidenti i Republikës. Kryeministri Edi Rama ishte ndër liderët e parë që uroi presidentin Trump, duke e konsideruar fitore të jashtëzakonshme.