SPAK ka nisur një operacion të gjerë në disa qytete të vendit. Në total mësohet se janë lëshuar të paktën 33 masa sigurie nga gjykata e posaçme antikorrupsion që po ekzekutohen ndërsa janë zbardhur gjashtë vrasje mes tyre masakra e Bradasheshit e ndodhur në dhjetor të 2018 ku u vra Endrit Alibej, Arben Dylgjeri dhe një shtetas Turk. Sipas top Channel, masë arresti shtëpiak është dhënë dhe për ish-gjyqtaren Pajtime Fetahu ndërsa janë vendosur nën akuzë edhe zv.Drejtori i burgut të Bradasheshit, Martin Musaj si dhe ish-shefi i krimeve të Durrësit Agustin Cinari. Hetimet janë kryer për organizatë kriminale dyshohet se dy punonjësit e policisë informonin grupin kriminal si dhe njëri prej tyre kishte marrë pjesë në sigurimin e kushteve për njërnë prej vrasjeve. Po ashtu janë lëshuar urdhër arreste edhe për Talo Çelën, Altin Kamamin, Rexhino Docin, Arben Lamcjen, Arsen Memën, Eljo Bitrin, Leam Rragamin, Elvis Dakaën alias Dragoviç, Dorjan Dylin, Matilda Hoxhollin si dhe disa persona të tjerë. Operacioni i cili vijon ende nën drejtimin e Prokurorisë së Posaçme është vazhdim i “Plumbit të Artë”. Aksion ky I zhvilluar në muajin maj të vitit 2022 ku u goditën 8 grupe kriminale që pernin në Elbasan, Durrës dhe në Tiranë.