Top News – Po vijnë 15 mijë viruse të reja!/ Do shfaqen brenda 5 vitesh, faj i ndryshimeve të klimës

Me rritjen e temperaturave të planetit tonë, dy gradë më shumë krahasuar me ato të përvitshme, shkencëtarët parashikojnë që brenda 2027-ës, do të shfaqen plot 15 mijë viruse të reja kundër 10 mijëve që janë aktualisht në qarkullim. Sipas një kërkimi të universitetit të Xhorxhtaunit, bashkëjetesa e detyruar nga ndryshimet e klimës mes specieve të ndryshme të kafshëve që vijnë nga habitate të ndryshme, do të rrisë rrezikun e përballjes me sëmundjet virale edhe për njeriun. Shumë specie kafshësh, të njohura si bartëse virusesh, si psh lakuriqët e natës, të shtyra nga ndryshimet e klimës, mund të zhvendosen në zona të ndryshme nga ato në të ciulat jetojnë zakonisht. Bashkëjetesa me kafshë të tjera rrit mundësinë që një virus të shpërndahet përmes kapërcimit nga specia në specie ose të pësojë mutacione deri në pikën që mund të transmetohen mes specieve deri sa të arrijnë tek njeriu. Studimi është publikuar në revistën Nature, dhe lidhja mes ndryshimeve të klimës dhe viruseve, duket shumë më e fortë nga sa ishte imagjinuar dhe mund të sjellë sëmundje që nuk janë parë kurrë më parë.