Moldavia akuzoi ushtrinë ruse së fundmi se po përpiqet të rekrutojë qytetarë moldavë, disa ditë pas zbulimi ushtarak britanik tha se Moska po përpiqej të mbushte boshllëqet në forcat e saj të armatosura në Ukrainë duke rekrutuar njerëz në rajonin separatist të Transdniestrisë, në Moldavi. Ky i fundit është një rrip i ngushtë toke që kontrollohet nga separatistë pro rusë dhe që shtrihet përgjatë lindjes së Moldavisë për rreth 40 km deri në portin ukrainas të Odesës. “Veprime të tilla nuk promovojnë paqen për të gjithë ne, për qytetarët tanë, për familjet tona. Gjëra të tilla duhet të ndalen”, tha ministri i jashtëm i Moldavisë, Nicu Popescu.