Tre vëllezër janë arrestuar nga policia ndërsa është shpallur në kërkim i katërti pasi akuzohen se në bashkëpunim me njëri-tjetrin kanë plagosur në këmbë një efektiv policie. Ngjarja ndodhi në lagjen “Dëshmorët e Kombit” ne Berat, ku ata patën një konflikt me vëllain tjetër që është shpallur në kërkim dhe bashkëshorten e tij. Efektivi i policisë ka ndërhyrë për të neutralizuar situatën por gjithcka ka degraduar pasi tre vëllezërit e dhunuan dhe gjithashtu tentuar t’i marrin armën e shërbimit. Gjatë konfrontimit fizik dyshohet se arma ka kryer qitje të pavullnetshme ku është plagosur në këmbë punonjësi i policisë Julian Xhahili, i cili u dërgua me urgjencë në spitalin e Beratit. Pas mjekimit u transportua për në Spitalin e Traumës Tiranë, për ndihmë mjekësore më të specializuar. Materialet i kaluan Prokurorisë së Rrethit Gjyqësor Berat, për veprat penale “Plagosje e rëndë me dashje”, “Plagosje e lehtë me dashje”, “Kundërshtim i punonjësit të policisë”.