Kompania ajrore Air France dhe prodhuesi i avionëve Airbus janë shpallur fajtorë për vrasje të paqëllimshme për një aksident të tmerrshëm ajror në të cilin u vranë 228 persona. Katastrofa e vitit 2009 konsiderohet si më e rënda në historinë e aviacionit francez. Bisedat e regjistruara midis tre pilotëve zbuluan se David Robert, 37 vjeç, dhe Marc Dubois, 58 vjeç, ishin në gjumë gjatë fluturimit nga Rio de Janeiro për në Paris. Vetëm piloti i ri, Pierre-Cedric Bonin, 32 vjeç, ishte zgjuar kur avioni u godit nga një stuhi tropikale. Avioni i pasagjerëve AF447 ra në pikiatë duke u zhytur për qind metra nën ujë e duke vrarë të gjithë personat në bord. Air France dhe Airbus u shpallën "përgjegjës" për tragjedinë nga Gjykata e Apelit të Parisit. Një gjykatë më herët i kishte liruar kompanitë nga akuzat, por vendimi u përmbys të enjten pas një gjyqi tetë-javor.