Trupat e NATOS këtë vit do të vendosen në Norvegji për të kryer një stërvitje të madhe ushtarake, e cila ka qenë e planifikuar prej disa kohësh. Më shumë se 30 mijë ushtarë, 50 anije dhëe 200 avionë, nga 27 shtete të ndryshme, do të vendosen atje duke filluar nga data 14 mars, pra të hënën. Operacioni masiv i koduar “Cold Response 2022”, përballë pushtimit të Ukrainës nga Moska merr një vlerë më të madhe për vetë faktin se nuk është shumë larg kufirit me Rusinë. Agjensia e lajmeve AFP, shkruan se duke filluar nga kjo e hënë, kjo stërvitje do t’u mundësojnë vendeve perëndimore të përmirësojnë aftësitë e tyre luftarake në klimën e ftohtë të Norvegjisë, duke përfshirë stërvitjen në Arktik, në tokë, në det dhe në qiell. Ndërkohë drejtori i departamentit evropian të Ministrisë së Jashtme ruse, Sergei Belyayev deklaroi se anëtarësimi i mundshëm i Finlandës dhe Suedisë në NATO do të kishte pasoja të rënda ushtarake dhe politike dhe do të kërkonte që Rusia të merrte masa hakmarrëse. Nga ana tjetër, presidenti rus, Vladimir Putin, e ka cilësuar këtë lëvizje si “operacion special”. Kujtojmë se perëndimi e ka dënuar ashpër pushtimin dhe ka vendosur një varg sanksionesh të rënda kundër Rusisë.