Top News- ‘Përbindëshi’ amerikan pranë brigjeve shqiptare!/Luftëanija ‘USS Truman’ siguron Mesdheun

Aeroplanmbajtësja amerikane “USS Truman” është vendosur në detin Mesdhe që nga shpërthimi i luftës në Ukrainë dhe po patrullon ujërat e rajonit prej gati dy muajsh. Ajo mbërriti të shtunën në Trieste për një “ndalim operacional teknik”, pas disa manovrash ushtarake që u mbajtën në detin Adriatik, Jon, Egje dhe Mesdheun Lindor. Pas shërbimeve të nevojshme, të cilat parashikohet të zgjasin dy ditë, “përbindëshi” që amerikanët kanë pozicionuar në Mesdhe do të rikthehet në lundrim sërish në zonat më të nxehta të këtij deti. Një ditë më parë, “USS Truman” u fut në ujërat e Adriatikut duke lundruar përballë brigjeve shqiptare për në veri, pikërisht në Trieste.